Un buen artículo en La Región

Hoy en La Región, Juan Andrés Hervella escribe un artículo de opinión sobre nuestro proyecto en Parada de Sil. Me ha gustado mucho, muchas gracias, Juan Andrés.

O enseño, talento ou agudeza, se define polo arte de inventar ou aplicar con prontitude cousas novas. Esta máxima parece ter a súa aplicación práctica polos responsables do Concello de Parada de Sil, que recentemente presentaron, na Feira Gastronómica e de Turismo ‘Xantar 2009’ un novedoso sistema de AudiGuía para promocionar e dar a coñecer en profundidade o importante patrimonio histórico-artístico e cultural deste concello ribeiriño do Canón do Sil.

A partir do primeiro de marzo un moderno sistema de audio-guía, vía satélite, totalmente portátil, con dispositivo multimedia GPS, trilingüe, guiará ao turista interesado en coñecer, polo miúdo, o rico e fermoso patrimonio, tanto artístico-cultural como de natureza, que atesoura este fermoso concello de interior da provincia de Ourense.

Este orixinal e case pioneiro sistema de guía persoal permitirá ao visitante saber en todo momento no lugar onde se atopa, o que está ver nese momento, a descrición do monumento do seu interese, e tal vez o máis importante, a posibilidade de continuar a ruta guiada ata o seu total remate.

Tanto o propio Concello de Parada do Sil como as casas de turismo rural existentes na zona, conxuntamente cas oficinas de turismo, serán as encargadas de facilitar gratuitamente, con carácter de préstamo, tan importante medio promocional que axudará a dar a coñecer, de xeito diferente, o importante legado artístico-cultural deste bonito recuncho da nosa xeografía galega.